Celtic Lyrics Corner > Artists & Groups > Karine Polwart > Fairest Floo'er > The Learig

   
Fairest Floo'er The Learig
   
Credits: Robert Burns; arranged by Karine Polwart & Kim Edgar
   
Appears On: Fairest Floo'er
   
Language: Scots-English
   

Lyrics:

When o'er the hill the eastern star
Tells bughtin' time is near, my jo
And owsen frae the furrow'd field
Return sae dowf and weary O
Down by the burn where birken buds
Wi' dew are hangin' clear, my jo
I'll meet thee on the lea-rig
My ain kind dearie O

At midnight hour in mirkest glen
I'd rove and ne'er be eerie O
If through the glen ye gaed to me
My ain kind dearie O
Although the night were ne'er sae wild
And I were ne'er sae weary O
I'll meet thee on the lea-rig
My ain kind dearie O

Well, the hunter lo'es the morning sun
Tae rouse the mountain deer, my jo
At noon the fisher taks the glen
Adoon the burn to steer, my jo
Gie me the hour o' gloamin' gray
It maks my heart sae cheery O
Tae meet thee on the lea-rig
My ain kind dearie O

Gie me the hour o' gloamin' gray
It maks my heart sae cheery O
Tae meet thee on the lea-rig
My ain kind dearie O