Celtic Lyrics Corner > Artists & Groups > Old Blind Dogs > Tall Tails > The Barnyards O' Delgaty

Tall Tails The Barnyards O' Delgaty
Credits: Traditional; arranged by Old Blind Dogs
Appears On: Tall Tails; Live
Language: Scots-English


As I cam' in by Turra merkit
Turra merkit for tae fee
I met in wi' a fairmer cheil
Fae the Barnyards o' Delgaty

Oh linten addie
Oh linten addie
Oh linten lourin
The Barnyards o' Delgaty

He promised the best pair
Ever I set my een upon
Fin I got tae the Barnyards
There wis naethin' there but skin and bone

Chorus (after each verse):
Oh linten addie, toorin addie
Oh linten addie, toorin ay
Oh linten lourin, lourin lourin
It's the Barnyards o' Delgaty

The auld black horse sat on its rump
The auld fite meer lay on her wime
For a' that I could hup an' crack
She wouldna rise at yokin' time

Oh aul' Meg Smith, she maks m' brose
And it's wi' her I canna gree
First a knot and syne a mot
And aye anither jelp o' bree

Fan I gang tae the kirk on Sunday
Mony's the bonnie lassie I see
Sittin' by her faither's side
An' winkin' ower the pews at me

Noo I can drink an' no be drunk
I can fecht and no be slain
I can sleep wi' anither man's wife
An' aye be welcome tae my ain

But noo m' caunle is brunt oot
It's splutterin' fairly on the wane
Oh fare ye weel, ye Barnyards
Ye'll nivver catch m' here again